Elizabeth Gowing ka dhënë dorëheqje nga puna në Zyrën për Çështje të Komuniteteve, e cila funksionon në kuadër të Kabinetit të Kryeministrit të Kosovës.
Siç merr vesh mediumi në gjuhën serbe “Radio Kim”, vendimi i saj vjen si reagim për ndarjen e disa parave të Qeverisë së Kosovës që ishin të destinuara për OJQ-të dhe mediat nga komunitetet joshumicë.
Arsyeja e dorëheqjes, sipas mediumit, ishte se ndarja e këtyre mjeteve nga Qeveria e Kosovës shkuan për 90 për qind të mediave dhe OJQ-ve nga komuniteti shqiptar.
Më 31 maj, Zyra për Çështje të Komuniteteve shpalli një thirrje publike për mbështetje financiare prej gjithsej 500,000 euro për OJQ-të dhe mediat nga komunitetet joshumicë “për të ofruar mbështetje financiare për projektet/programet e OJQ-ve për të ngritur nivelin e punësimit të anëtarët e komuniteteve joshumicë, media që kontribuojnë në mbrojtjen dhe përmirësimin e të drejtave dhe interesave të komuniteteve joshumicë, si dhe OJQ-të që kontribuojnë në aktivitetet kulturore që promovojnë kulturën, traditën, gjuhën, trashëgiminë kulturore dhe identitetin e anëtarëve të komunitetit, duke përfshirë shënimin e ditëve të veçanta të komuniteteve që jetojnë në Kosovë”.
Të hënën, më 10 korrik, ueb faqja e kryeministrit të Kosovës publikoi listën preliminare të atyre që janë mbështetur nga fondet në atë kurs.
“Nga 42 OJQ që u përfshinë në listën paraprake të përfituesve të fondeve, vetëm 3 shembuj janë të tillë, sipas emrave në listë dhe regjistrit publik të OJQ-ve. Më shumë se 90 për qind e mediave dhe OJQ-ve të cilave u janë ndarë fondet vijnë nga komuniteti shumicë shqiptare. Disa nga fituesit e fondeve nuk mund të gjenden as në regjistrin publik të OJQ-ve”, thuhet në raport.
Gowing është e zhgënjyer nga fakti se një numër i vogël i OJQ-ve dhe mediave të përzgjedhura për mbështetje financiare përfaqësojnë në fakt organizata të bazuara në disa nga komunitetet joshumicë.
Përkundër kundërshtimit të saj, Komisioni i Apelit nuk e anuloi konkursin, kështu që Gowing tha se “ajo nuk mund të punojë më me Zyrën për Çështje të Komuniteteve”, sepse vendimi për të shpërblyer gjysmë milioni euro për përfituesit e përmendur “nuk është diçka që ajo mund të dalë dhe të mbrohet para komuniteteve”.
Për qëndrimin e saj ajo përmes një letre elektronike (në të cilën Radio Kim kishte qasje) ka njoftuar zëdhënësin e Qeverisë së Kosovës, Përparim Kryeziu dhe Petar Miletiq, këshilltarin e jashtëm të kryeministrit të Kosovës, Albin Kurti.
Gowing theksoi se “me kënaqësi dhe krenari do të vazhdojë punën e dytë si këshilltare e Kryeministrit për çështjet e komunitetit në koordinimin e punës së institucioneve për zbatimin e politikave që mbrojnë dhe promovojnë të drejtat dhe interesat e komuniteteve joshumicë në Kosovë”.
