Një 21-vjeçar në Suharekë ka gjuajtur me armë zjarri në ajër afër shtëpisë së babait të tij, pas një mosmarrëveshje që i dyshuari kishte me familjen për pronë.
Këtë veprim, i dyshuari e ka incizuar dhe e ka postuar në rrjetin social “Snapchat” dhe ua ka dërguar vëllezërve të tij.
Lexo Edhe:
Kozmetika Japoneze mahniti njërëzit me produktet anti-rrudhë
Aludon Gjuriq: Takimi i Vuçiq me Chollet dëshmoi se Kosova më nuk e ka mbë…
Në vendin e ngjarjes, Policia ka gjetur një fishek në automjetin e të dyshuarit dhe më pas e kanë arrestuar atë.
21-vjeçarit i është sekuestruar arma e tipit “Moris by AIAK” e kalibrit 9 milimetra dhe tre fishekë.
Njoftimi i plotë:
Arrestohet një personi dhe sekuestrohet një pistoletë në Suharekë
Prizren, 15 Janar 2023
Me datë 14 Janar 2023, rreth orës 19:25, Njësitet policore të Stacionit Policor Suharekë, bazuar në informacionet e mbledhura, kanë lokalizuar dhe kane arrestuar të dyshuarin S. A (21 vjeçar), nga i cili është sekuestruar një armë gjithashtu.
I dyshuari i lartshënuar pas një mosmarrëveshje që e kishte pas për pronë me familjen e tij, ka shkuar afër shtëpisë së viktimës (babai i tij) dhe ka shtënë me armë zjarri në ajër, këtë veprim e ka incizuar dhe e ka postuar në rrjetin social ,,Snap Chat’’ dhe të njëjtin ua ka dërguar vëllezërve të tij.
Patrullat policore pasi që kanë dalë në vendngjarje, fillimisht e kanë gjetur një fishek në automjetin e të dyshuarit e më pas kanë arritur ta arrestojnë të dyshuarin si dhe e kanë gjetur armën e tipit Moris by AIAK Cal. 9 mm , me të cilën i njëjti dyshohet të ketë shtënë në ajër, po ashtu i kanë gjetur edhe tre fishekë të tjerë.
Arma dhe katër fishekë të kalibrit 7.65 janë sekuestruar nga ana e krim teknikut.
Në konsultim me prokurorinë e krimeve të rënda i dyshuari ndalet në mbajtje për 48 (dyzetetetë) orë.
