Gazeta Online Veriu.info raportoi para dy ditësh për kërkesën e prodhuesit të njohur zviceran Nestle për tëheqjen nga tregu të disa nga produkteve të saj ushqimore për fëmijë pas dyshimeve për toksina në to.
Këto produkte përfshijnë formulat SMA, BEBA dhe NAN, kryesisht në Evropë, për shkak të një ndotjeje të mundshme me një toksinë që mund të shkaktojë të përziera dhe të vjella.
Lidhur me këtë Veriu.info ma kontaktuar me kompaninë që figuron si përfaqësues i autorizuar për Kosovë, Migros, të cilët nuk kanë kthyer përgjigje.
Kurse AUV ka kthyer përgjigje sot lidhur ne këtë çështje duke thënë se AUV ka caktuar menjëherë inspektorët e saj për të bërë gjurmueshmërinë e mallrave.
Pra përmes kësaj përgjigje AUV nuk ka dhënë më shumë informacione nëse tashmë janë tërhequr nga tregu produktet e qumështit NAN që në Kosovë përdoren shumë, por vetëm ka thënë se ka angazhuar inspektorë për gjurmueshmërinë e këtyre mallrave.
“Gjithashtu, Agjencia e Ushqimit dhe Veterinarisë, duke pasur parasysh njoftimin që ka marrë nga kompania AULONI SHPK, se Nestlé ka iniciuar një tërheqje vullnetare paraprake të disa loteve të formulave për foshnje nga brendi NAN, si masë sigurie, AUV ka caktuar menjëherë inspektorët e saj për të bërë gjurmueshmërinë e mallrave.” – thuhet në përgjigjen e AUV për Gazetën Online Veriu.info.
