d. Presidentja e Kosovës, Albulena Haxhiu, ka reaguar pas sulmit të raportuar në Darkën e Korrespondentëve të Shtëpisë së Bardhë në Uashington, duke shprehur solidaritet me qytetarët amerikanë.
Përmes komunikatës së presdiencës, ajo tha se është lehtësuese që Donald Trump, Zonja e Parë dhe të gjithë të pranishmit janë jashtë rrezikut, ndërsa i uroi shërim të shpejtë zyrtarit të plagosur.
Haxhiu ritheksoi se Koova dënon çdo akt dhune dhe mbetet pranë SHBA-së, duke e cilësuar atë si partner dhe aleat strategjik.
Komunikata e plotë:
U.d. Presidentja Haxhiu shpreh solidaritet me popullin amerikan pas sulmit në Uashington
U.d. Presidentja e Republikës së Kosovës, znj. Albulena Haxhiu, ka reaguar pas sulmit të ndodhur në Darkën e Korrespondentëve të Shtëpisë së Bardhë në Uashington.
Në reagimin e saj, U.d. Presidentja Haxhiu shprehu solidaritet me popullin amerikan dhe lehtësim që Presidenti Donald Trump, Zonja e Parë dhe të gjithë të pranishmit janë jashtë rrezikut.
“Pas sulmit shqetësues në Darkën e Korrespondentëve të Shtëpisë së Bardhë, jemi pranë popullit amerikan. Të lehtësuar që Presidenti Trump, Zonja e Parë dhe të gjithë të pranishmit janë të sigurt. Zyrtarit të plagosur i urojmë shërim të plotë dhe qëndrojmë pranë Shteteve të Bashkuara në këtë moment të vështirë”, thuhet në reagimin e U.d. Presidentes.
Republika e Kosovës dënon çdo akt dhune dhe qëndron pranë Shteteve të Bashkuara të Amerikës, partnerit dhe aleatit të saj strategjik.
