Një grabitje e armatosur është raportuar pas mesnatës së 5 tetorit në Shupkovc të Mitrovicës, ku cak ka qenë pompa e derivateve “IP Petrol”.
Burimet e Sinjalit bëjnë me dije se rreth orës 01:20, derisa arkëtari po punonte në pompë, brenda ka hyrë një person i maskuar, i cili mbante në dorë një armë të llojit pistoletë.
Sipas deklarimit të viktimës, A. M, i dyshuari ka marrë nga arka një shumë prej rreth 600 deri në 700 euro.
Pas marrjes së parave, personi i maskuar është larguar me vrap në drejtim të panjohur.
Për rastin është njoftuar Prokurori i Shtetit, i cili ka udhëzuar që çështja të iniciohet si “Grabitje e armatosur”.
I dyshuari ende nuk është identifikuar, ndërsa rasti mbetet nën hetim.
