Blerand Stavilevci i Partisë Demokratike të Kosovës tha në një konferencë për shtyp se të dhënat e tyre nga terreni u japin indikacione për “rezultat historik” të PDK-së.
Ai tha se “janë pozitive” të dhënat që po marrin dhe se “ka mbështetje për ndryshim”.
“Deri në këto momente, më pak se 4 orë nga mbyllja e vendvotimeve, të dhënat që po marrim nga terreni janë pozitive. Ka mbështetje për ndryshim.
Sipas të dhënave që kemi marrë, po shkon drejt një rezultati të mirë për PDK-në, të një numri votash që për neve janë historike.
Nëse ende nuk e keni votuar, mos e lini votën në shtëpi.
Sot secili nga e ka në dorë përgjegjësinë e madhe, ju që ende nuk e keni votuar, dilni votoni”, tha ai.
