Ka në pronësi katër kompani. Njërën prej tyre e themeloi bashkë me një ortak nga Turqia. Po pikërisht për këtë, ortaku turk po e akuzon se ia mori me dokument të falsifikuar. Prokuroria tashmë e ka intervistuar turkun që denoncoi Flamur Hoxhën, pronarin e firmës “Glow” që dërgon pacientë nga Kosova për shërim në Turqi
Në vitin 2021 turku Osman Can kishte vendosur që të themelonte një kompani në Kosovë- “Aesthetic Center Istanbul L.L.C”.
Hisenik i barabartë me të në Regjistrin e Bizneseve në Ministrinë e Tregtisë hyri edhe pronari i firmës “Glow”, Flamur Hoxha, një kompani që dërgon pacientë nga Kosova për shërim të Republikën e Turqisë.
Sipas marrëveshjes, shtetasi turk Can do të ishte përgjegjës për pjesën e operacioneve në Stamboll, ndërsa Flamur Hoxha do të menaxhonte aktivitetin në territorin e Republikës së Kosovës.
Punët filluan të shkonin mirë. Sipas kallëzimit penal të deponuar në Prokurori, vitin e parë kjo firmë pati hiç më pak se sa 200 pacientë që shkuan në Turqi për të bërë operacionin që njihet si ‘ngushtimi i lukthit’.
Nga të dhënat publike del që çmimi për një operacion të tillë sillet nga 4 mijë euro e tutje.
Pasi që biznesi po ecte mirë, ata morën edhe zyrë të madhe në Fushë Kosovë, 200 metra lokal e i investuan mijëra euro në të.
“Viti i mjaltit” mes ortakut turk Osman Can e kosovarit Flamur Hoxha zgjati shkurt. Në viiin 2022 filluan të ë prishin komunikimin, për ta ndërprerë komplet në vitin 2023, thuhet në këtë dokument.
Edhe pse kishin ndërprerë komunikimin, firma e krijuar bashkërisht nga Can e Hoxha, sipas denoncimit në Prokurori, po vazhdonte të operonte.
Aktualisht “Aesthetic Center Istanbul L.L.C” figuron vetëm në pronësi të kosovarit Flamur Hoxha, dhe turku Osman Can nuk është as aksionar në të.
Por, si ndodhi kjo, sipas deklaratës e kallëimit penal që ka deponuar në Prokurori turku Can?
Ai pretendon se diku në mes të shkurtit 2023, biznesmeni Flamur Hoxha krijon një dokument të rrem më titullin ‘kontratë për faljen e aksioneve”, me cka arrin që edhe 50 % rë aksioneve që i kishte turku, ti merrte ai nën kontroll.
Osman Can pretendon që ky është dokument i falsifikuar dhe se ai kurr nuk e ka nënshkruar atë.
“Nga dokumentet e siguruara në Agjencinë e Bizneseve, rezulton se nënshkrimi i të dëmtuarit është falsifikuar në tri raste: gjatë regjistrimit të firmës në ARBK më 30.12.2021; gjatë ndryshimit të përqindjes së aksioneve më 05.07.2022 (ndryshimi i kapitalit), pa dijeninë dhe pëlqimin e të dëmtuarit; dhe më 14.02.2023, kur është paraqitur në mënyrë të kundërligjshme sikur i dëmtuari i ka falur aksionet Flamur Hoxhës, që nuk korrespondon me realitetin”, thuhet në kallëzimin penal që e ka siguruar Insajderi.
Për këtë, në dokumentin e deponuar në Prokurori nga avokati Rifat Kelmendi, për turkun Osman Can, thuhet se sipas tyre, biznesmeni Flamur Hoha ka kryer veprën penale “Rastet e posaçme të falsifikimit të dokumenteve”, nga neni 391, par 1 pika 1.1, të KoditPenal të Kosovës.
Turku javë më parë është intervistuar nga Prokuroria.
Ai para Prokurorit Jeton Koca, derisa iu prezantuar kontrata me të cilën biznesmeni Hoxha thotë se ia fali aksionet, tha se “Jo, nuk e kam nënshkruar unë, dhe ne atë kohe nuk kam qenë në Kosovës”.
Derisa u pyet se kur e keni marrë vesh për ndryshimin e aksioneve në firmë, i tha Prokurorit se diku në vitin 2023 kishte hyrë në Agjencinë e Bizneseve dhe e pa që “unë nuk figuroj si bashkëpronar i biznesit.
Prokurori i Shtetit e kishte pyetur edhe mos i ka borxh Flamur Hoxhës, deria Osman Can i tha që në fakt Hoxha i ka borxh atij dhe se pret që të dënohet sipas ligjit për atë që, sipas tij, e ka mashtruar.
Gazeta Insajderi e ka pyetur edhe Flamur Hoxhën për këtë denoncim, por i njëjti deri tash pos konfirmimit që i ka pranuar pyetjet, nuk është përgjigjur në to. Nuk ka treguar as edhe a është intervistuar nga Prokuroria as edhe nëse pretendimet e turkut Can janë të vërteta.
Flamur Hoxha aktualisht ka në Regjistër të Bizneseve katër firma.
Pos kësaj që e nisi me ortakun turk, e tash i ka 100 % të aksioneve në të, ai me Berat Sadiki në vitin 2021 themeluan firmën “Plot Shnetë L.L.C.”, që në aktivitet kryesor ka “web portalet”.
Një vit më herët po me a=ortakun Sadiki patën krijuar edhe firmën “Medical Tourism Agency Health and More”, me aktivitet kryesor fushën e shëndetësisë.
Derisa në firmën “Glow L.L.C.”, që e krijoi në vitin 2023, apo katër ditë para se të bëhej kontrata kur turku Osman Can, kinse ia fal aksionet te “Aesthetic Center Istanbul L.L.C”, ai është ortaku i vetëm.
Ka deklaruar që ka kapital fillestar themelues prej 50 mijë eurosh.
Me këtë firmë, “Glow LLC”, sipas promovimeve që vet firma bën në rrjetet sociale, firma është në industrinë që njihet si “turizëm shëndetësor”, dhe fokus e ka Turqinë si destinacion për dërgimin e pacientëve.
“Ekipi ynë i mjekëve të specializuar dhe pajisjet moderne janë gati për t’ju ofruar kujdesin më të mirë. Mos e lini shëndetin tuaj për më vonë! Planifikoni Check-Up-in tuaj sot dhe sigurohuni për një të ardhme më të shëndetshme”, thuhet në një nga materialet promovuese që faqja e “Glow” ka bërë në rrjetet sociale. / Gazeta Insajderi/Veriu.info
