Pas paralajmërimit të fundit, të partive opozitare për rrëzimin e Qeverisë Kurti, përmes një prononcimi për Gazeta Blic, Dorajet Imeri, analist politik, e ka komentuar këtë veprim të opozitës.
Ai ka thënë se kjo është gati e paarritshme nëse këtë mocion mosbesimi nuk e përkrahin edhe deputetët e VV-së.
“Partitë politike synojnë përherë që përmes zgjedhjeve ta rrëzojnë nga pushteti secilën parti politike që është në qeverisje, por kjo është vështirë e arritshne nëse në Kuvendin e Kosovës nuk ka një vullnet të deklaruar nga deputetët, fillimisht duhen 40 deputetë, për të nisur një mocion mosbesimi për qeverinë e Kosovës, në rrethana në të cilat jemi është e pamundur matematikisht, nëse dikush nga partia në pushtet nuk voton për rrëzimin e saj, dhe rrjedhimisht kuptohet se opozita matematikisht e ka të pamundur ta rrëzoj qeverinë Kurti për momentin”, tha ai për Gazeta Blic.
Gjithsesi, sipas tij, kjo nuk nënkupton që qeveria Kurti mund të bëj gjithçka.
”Pra, kjo nuk e legjitimon atë që të mos qeverisë si duhet, sepse kjo mund të ketë dëmtime në qeverisje por kurdo që të ndodh pastaj rezultati do të jetë jo i favorshëm për pushtetin aktual”, tha tutje Imeri.
Krejt në fund sipas Imerit kjo përpjekje, në këto rrethana është jo frytdhënëse.
“Mund të them se është vetëm një përpjekje jo frytdhënëse e opozitës për çfarë në këto momente mendoj që është e paarritshme”.
