Sot në përvjetorin e rënies së heroit Luan Haradinaj u bënë homazhe në Kompleksin Memorial të Dëshmorëve të Zonës Operative të Dukagjinit në Gllogjan ku u mblodhën figura politike e bashkëluftëtarë të tij.
Ish-luftëtari i UÇK-së, Nasim Haradinaj, tha fjalë të mëdha për Luanin, duke e përshkruar si më të urtin e djemve të nënës Rukë, të cilës iu drejtua.
“Luanin e ke pasë djalin më të qetë, më të respektueshëm”, i tha ai, duke shtuar: “Kur ka hi dhe kur ka marrë detyrat kombëtare i ka befasuar të gjithë me guximin”.
“Luani ishte lokomotiva e gjithë UÇK’së, por Luan Haradinaj ka dashtë që 24 orëshin ta kthejë në 48 orë dhe asnjëherë, kur ka pru logjistikë brenda, s’është kthyer edhe pa një aksion, që do të thotë që dyfishin e kohës e ka shfrytëzuar në maksimum”, tha ai, duke shtuar se Luani s’e ka bërë krenare vetëm familjen e tij, por ka kapërcyer kufijtë e familjes, e fshatit dhe sot është simboli i gjithë rezistencës kombëtare”,
Ndërkaq, me humor foli për babanë e tij, veprimtarin e çështjes kombëtare, Smajl Haradinajn, i cili është i varrosur në këtë kompleks.
“Për bacën Smajl çka me kallxu, ma shumë m’ka rreh se…”, ndërsa shtoi se atë, përtej bijve të tij biologjikë, e kanë nderuar Shkëlzen, Luan e Ramush Haradinaj.
