Gazetari nga Lugina e Preshevës, Nexhat Behluli, është arrestuar si i dyshuar për veprën penale “kanosje” ndaj disa gazetarëve kosovarë.
Lidhur me rastin policia ka dhënë detaje në raportin 24 orësh, shkruan Insajderi.
Aty bëhet e ditur se Behluli është dërguar në mbajtje.
“Më datë 30.05.2025 lidhur me rastin është arrestuar i dyshuari mashkull, nën dyshimin se kishte postuar një shkrim në facebook duke kanosur disa gazetarëve. Pas intervistimit me aktvendim të prokurorit kujdestar i dyshuari është dërguar në qendrën e mbajtjes”, thuhet në njoftimin e policisë.
