Policia e Kosovës ka reaguar pas publikimit të një videoje në IndeksOnline, ku shihej një automjet duke lëvizur në kahje të kundërt në autostradën “Dr. Ibrahim Rugova”.
Sipas njoftimit zyrtar, Njësia për Kontroll të Autostradave, në bashkëpunim me njësinë kufitare, ka arritur ta identifikojë dhe ndalojë shoferin që ka kryer këtë shkelje të rëndë të rregullave të trafikut.
Si pasojë, shoferi është gjobitur me 500 euro, i janë vendosur 5 pikë negative, dhe i është ndaluar drejtimi i automjetit për 12 muaj.
Gjithashtu, automjeti është larguar nga trafiku përmes një kompanie të specializuar për tërheqje mjetesh.
Policia apelon tek të gjithë pjesëmarrësit në trafik që të respektojnë rregullat e qarkullimit rrugor për të shmangur rrezikun për veten dhe për të tjerët./IndeksOnline/
