Presidenti gjerman Frank-Walter Steinmeier vizitoi një tjetër aleat në krahun lindor të NATO-s.
Në Sllovaki, ai dha një kërcënim serioz për Rusinë. Frank-Walter Steinmeier ka paralajmëruar Kremlinin të mos nënvlerësojë gatishmërinë e NATO -s për të mbrojtur veten.
“Demokracitë tona janë të forta dhe të fortifikuara mirë. Jemi të gatshëm dhe në gjendje të mbrojmë çdo centimetër të territorit të Aleancës – së bashku” tha ai të mërkurën pas bisedimeve me presidenten sllovake Zuzana Caputova në qytetin e Kosices.
Caputova falënderoi shprehimisht Steinmeier për ndihmën ushtarake të Gjermanisë, shkruan Indeksonline.
“Thonë se kur je në telashe mund të dallosh se kush është shoku yt”, tha ajo.
Steinmeier theksoi se gatishmëria për t’i ofruar ndihmë Ukrainës dhe për të mbajtur barrën në solidaritet do të kërkohet për një kohë të gjatë.
“Ne nuk do ta lëmë Ukrainën vetëm në këto kohë të vështira. Ne duhet të ofrojmë ndihmë dhe po ofrojmë ndihmë – humanitare, financiare dhe gjithashtu ushtarake” ka deklaruar Steinmeier.
