Presidenti i Finlandës, Alexander Stubb, ka deklaruar se Shtetet e Bashkuara të Amerikës po veprojnë kryesisht jashtë kornizave tradicionale të së drejtës ndërkombëtare pas sulmeve të tyre ndaj Iranit, raportoi transmetuesi publik finlandez Yleisradio Oy (Yle), shkruan Veriu.info.
“Zakonisht, për sulme të tilla kërkohet arsyetim qoftë nga OKB-ja, ose të paktën nga aleatët. Tani nuk është kërkuar shumë lidhur me këtë çështje”, citohet të ketë thënë Stubb nga Yle, transmeton CNN.
Stubb, i cili ka kaluar disa orë duke luajtur golf me presidentin amerikan Donald Trump, është shprehur se nuk pret që homologu i tij amerikan të përdorë ndërmjetës për të negociuar përfundimin e konfliktit.
“Jam mjaft i sigurt se presidenti Trump nuk do të përfshijë ndërmjetës në këtë proces”, ka thënë ai, sipas Yle.
“Shpresojmë që situata të qetësohet, por për momentin duket se ajo po përshkallëzohet”, ka deklaruar më tej presidenti finlandez, siç raporton Yle./Veriu.info
