Serbët janë mbledhur sot për nder të Vidovdanit në Mitrovicën e Veriut, dhe një politikan i Listës Serbe e ka lexuar të ashtuquajturën “Deklaratë të Vidovdanit”. Çka thuhet në të?
Gazetari Boban Bogdanoviq kërkoi që kjo deklaratë të shpallej si “akt terrorist” dhe të arrestoheshin menjëherë liderët e Listës Serbe. Deklarata në fjalë u lexua nga Dragisha Milloviq, ish-kryetar i Komunës së Zveçanit.
Por, cilat janë elementet më të rrezikshme të saj.
Serbët e Kosovës / Bogdanoviq: “Deklarata e Vidovdanit” akt terrorist, të shpallet Lista Serbe organizatë terroriste
Deklarata akuzon se serbët në mbarë Kosovën janë përballur për dy dekada “me dhunë të paparë”, duke e etiketuar atë dhunë të pretenduar si “fashiste”.
“Që nga fillimi i vitit, gjashtë bashkatdhetarë tanë, mes të cilëve dy fëmijë, janë plagosur nga shpërthimi i urresjtjes etnike me armë të zjarrit.” – pretendohet në deklaratë.
Ata akuzuan Kosovën edhe se po i konfiskonte “tokën e stërgjyshërve serbë” për të ndërtuar baza policore mbi të.
“I bëjmë thirrje komunitetit ndërkombëtar të ndërmarrë hapa të vendosur për të qetësuar tensionet, sepse ne nuk mund ta tolerojmë më këtë mizori.”
Deklarata përmend edhe Asociacionin e Komunave me Shumicë Serbe, në të cilin thotë se populli serb ka pasur besim.
Betimet e kryetarëve / Fjalët e Vuçiqit për 28 maj dhe raportimi se serbët e bëjnë vetë Asociacionin: Sa serioze janë këto paralajmërime?
“Ka ardhur koha që të zbardhet e vërteta dhe të thuhet qartë në këtë Vidovdan – a kemi Asociacion të Komunave me Shumicë Serbe? Përndryshe, ne e dimë se çfarë të bëjmë.” – thuhet tutje.
Megjithatë, deklarata më pas zbutet pak (përkohësisht) duke thënë që në këto sfida “legjitime” llogarisin në “ndihmën dhe mbështetjen e shtetit tonë të vetëm, Serbisë, dhe presidentit tonë, Aleksandër Vuçiqit, që ka qenë gjithnjë mbështetësi ynë më i madh.”
Dhe, kërcënimi më i madh i kësaj deklarate bëhet përmes këtyre fjalëve:
“Në prag të Vidovdanit, kur çdo gjë shihet dhe çdo fjalë e dhënë bëhet zotim, ne serbët nga veriu i Kosovës dhe Metohisë themi se, nëse vazhdon mizoria ndaj popullit tonë, do të detyrohemi të përgjigjuni të gjithë atyre që na dëshirojnë të keqen, që ëndërrojnë luftën në vend të paqes dhe ne do të jemi të bashkuar në luftën tonë të drejtë për të qëndruar e mbijetuar në këto zona dhe për të mbrojtur shtëpinë tonë dhe familjet tona.”
Çka ishte paralajmëruar?
Presidenti i Serbisë, Aleksandër Vuçiq, kishte dhënë një paralajmërim për 28 qershor, festën e Vidovdanit, përmes këtyre fjalëve:
“Në Vidovdan gjithçka do të mund të shihet, serbët do të marrin hapa paqësorë në rrugën e tyre të lirisë, në pajtim me normat e së drejtës ndërkombëtare,”
Gazeta Blic në Serbi – dhe medie tjera serbe – kishte paralajmëruar madje edhe se do të shpallej njëanëshëm Asociacioni nga serbët por fatmirësisht nuk ka shenja të tilla.
