Kompania Kapella Kosova e cila merret me shitjen dhe montimin e sistemit të mbeturinave që vendoset në objekte banesore dhe jo vetëm, sot ka përfunduar pjesëmarrjen në panairin ndërkombëtar ExpoKos 2023.
Produket inovative të Kapella Kosova në këtë panair i kanë vizituar zëvendëskryeministri, Besnik Bislimi, Ministrja e MINT, Rozeta Hajdari dhe kryetari i Pejës, Gazmend Muhaxheri.
“Së bashku me ekipin tonë dhe Menaxherin për Operacione Ndërkombëtare z. Taha Gozutok nga Kapella Chutes, ne prezantuam produktin dhe shërbimet tona tek klientë dhe zyrtarë të fushave dhe sektorëve të ndryshëm.
Falenderojmë zyrtarët shtetërorë: zv.Kryeministri z. Besnik Bislimi, Ministrja e MINT znj. Rozeta Hajdari si dhe Kryetarin e Pejës z. Gazmend Muhaxheri, të cilët na nderuan dhe na përgëzuan për inovacionin të cilin e kemi sjellur në tregun kosovar si dhe duke na lënë derën hapur për çdo ndihmë apo këshillë nga organet përkatëse”, thuhet në njoftimin e Kapella Kosova.
Kjo kompani ka falenderuar vizitorët të cilët vizituan standin e tyre, duke shprehur interesimin e tyre për një produkt të ri në Kosovë.
“Në fund falenderojmë edhe miqtë e bashkëpuntorët tanë të cilët na nderuan me pjesëmarrjen dhe mbështetjen e tyre.
Bashkë për një ambient më të pastër!”, përfundon njoftimi i Kapella Kosova.
Ndryshe, kompania Kapella Kosova është e themeluar dhe drejtohet nga Kujtim e Ylber Pllana.
