Profesori universitar Festim Kutllovci ka nisur ditën sot me kandidatin për kryetar, Arian Tahiri, raporton Gazeta Online Veriuinfo.
Ai tha se Mitrovica ka nevojë për Arianin, një udhëheqës që bashkon jo që ndan.
“ Ariani është njeri i kulturës, i ideve të mira dhe i mendimit përfshirës. Ai e sheh qytetin tonë si një familje të madhe ku përfaqësohen të gjithë nga të moshuarit me përvojë e deri te të rinjtë plot energji e ide.” – shkruan Kutllovci.
Postimi i plotë:
Mëngjesin e sotëm e nisa me mikun tim dhe kryetarin e ardhshëm, Arian Tahiri.
Gjatë gjithë bisedës sonë, ndjeva vizionin dhe përkushtimin e tij për Mitrovicën për një qytet që meriton zhvillim, bashkim dhe dinjitet.
Ariani është njeri i kulturës, i ideve të mira dhe i mendimit përfshirës. Ai e sheh qytetin tonë si një familje të madhe ku përfaqësohen të gjithë nga të moshuarit me përvojë e deri te të rinjtë plot energji e ide.
Në qeverisjen e tij nuk do të ketë dallime partiake, as ndarje komunitetesh apo moshash vetëm punë dhe përkushtim për të mirën e përbashkët.
Mitrovica ka nevojë për një frymë të re, për një udhëheqës që bashkon, jo që ndan.
Mitrovica ka nevojë për Arianin.
