Pronarët e disa iPhone-ve do të marrin pagesa në para deri në 95 dollarë nga Apple, pasi kompania arriti të martën një zgjidhje prej 250 milionë dollarësh në një padi kolektive për reklamim të rremë të aftësive të saj të inteligjencës artificiale.
Apple u dha jehonë veçorive të reja të inteligjencës artificiale për asistentin e saj virtual Siri kur promovoi iPhone-n 16 në vitin 2024, pjesë e përditësimeve të reja të softuerit që kompania i quajti “Apple Intelligence”, shkruan Associated Press.
Kompania është përpjekur të mbajë ritmin me rivalët e teknologjisë mes bumit të inteligjencës artificiale, por ende nuk e ka realizuar ripërtëritjen e Siri-t dy vjet më vonë.
Padia, e ngritur në emër të konsumatorëve amerikanë në Gjykatën Federale të San Franciskos për Distriktin Verior të Kalifornisë, pretendonte se Apple i mashtroi konsumatorët me një fushatë marketingu që promovonte veçori që ende nuk ekzistonin dhe i çorientoi ata drejt blerjes së pajisjeve.
