Gazetari Adriatik Kelmendi ka reaguar pas konferencës së kreut të LDK-së, Lumir Abdixhiku, i cili e ka refuzuar ftesën e Kurtit për koalicion dhe propozimin për qeveri të tranzicionit.
Përmes një postimi në Facebook, ai ka thënë se pas kësaj topi nga Abdixhiku ka kaluar sërish te Kurti, derisa ka shtuar se tani pas propozimit të Abdixhikut, pritet qëndrimi i Krasniqit dhe Haradinajt.
Postimi i tij i plotë:
Lumiri tha:
– Albin Kurti nuk mund të bëhet kryeministër me vota të LDK-së
– As Lumir Abdixhiku nuk mund të bëhet kryeministër në koalicion me LVV-në
– Po, mund ta bëjmë një qeveri kalimtare, deri në janar-shkurt 2026, ku marrin pjesë të gjitha partitë shqiptare
– Po, një kryeministër i pranueshëm nga të gjithë
Është e saktë që qytetarët më 9 shkurt nuk ia kanë dhënë asnjërit kandidat për kryeministër besimin e plotë. As Albini, as Bedriu, as Lumiri, as Ramushi, nuk i kanë marrë 50+% të votave që të bëheshin kryeministra pa koalicion.
Albini bëri lëshim me letër-lutjen për bashkëpunim qeveritar me LDK-në.
Lumiri bëri lëshim me ofertën që të bëhen të gjithë bashkë për disa muaj.
Tash pritet edhe qëndrimi i Memlit dhe Ramushit.
Por, topi ka kaluar nga Lumiri sërish te Albini.
