Kryetari i Obiliqit, Halil Thaçi ka reaguar pas protestës së kryetarëve të komunave para Qeverisë së Kosovës, duke kritikuar qeverisjen e kryeministrit Albin Kurti.
Thaçi ka thënë se Komunat dhe Qeveria nuk janë palë kundërshtare, dhe se interesi i tyre i përbashkët është qytetari dhe zhvillimi i vendit.
Postimi i plotë:
Asociacioni i Komunave duhet të jetë zëri i 38 komunave, jo zë i një politike kundër Qeverisë.
Komunat dhe Qeveria nuk janë palë kundërshtare. Interesi i tyre i përbashkët është qytetari dhe zhvillimi i vendit.
Faktet janë të qarta: nga 546 milionë euro në vitin 2021, buxheti për komunat pritet të arrijë në 907 milionë euro në vitin 2027.
Ndërkohë, për dëmet që komunave ua ka shkaktuar kontrata kolektive e nënshkruar gjatë qeverive Mustafa dhe Haradinaj, Asociacioni nuk ka pasur të njëjtin zë kritik.
Asociacioni duhet të përfaqësojë komunat, jo të bëhet instrument i një fronti politik.
Komunat kanë nevojë për bashkëpunim, investime dhe zhvillim – jo për protesta politike të maskuara si kauza komunale.
