Protestuesit kanë sulmuar me gurë Gjykatën e Apelit në Tiranë, duke thyer xhamat dhe dyert e objektit, ndërsa disa prej tyre kanë hyrë brenda godinës.
Sipas pamjeve nga protesta, një grup të rinjsh, kryesisht të veshur me rroba të errëta dhe me maska, kanë tentuar t’u vënë flakën disa njoftimeve që ndodheshin në kabinën hyrëse të institucionit.
Më pas, ata kanë thyer derën dhe kanë hyrë brenda objektit.
Pas incidentit ka ndërhyrë Policia, e cila ka përdorur gaz lotsjellës për të shpërndarë protestuesit. Gjatë ndërhyrjes kanë nisur edhe arrestimet e para, ndërsa disa persona janë shoqëruar nga forcat e rendit.
Sulmi ndaj Gjykatës së Apelit ndodhi gjatë marshimit të protestuesve në rrugët e kryeqytetit shqiptar.
