Ditë më parë Qeveria e Kosovës edhe zyrtarisht ka kundërshtuar tërheqjen e mjeteve nga Trusti.
Në mbledhjen e mbajtur në formë elektronike, Qeveria ka dhënë mendim negativ për këtë propozim të opozitës.
Sipas Qeverisë, tërheqja e mjeteve nga Trusti nuk ndihmon kategoritë në nevojë.
“Qeveria ka dhënë mendimin për Projektligjin për plotësimin dhe ndryshimin e Ligjit për Fondet Pensionale të Kosovës, që nuk e përkrahë këtë nismë legjislative të Kuvendit të Republikës së Kosovës. Qeveria e Republikës së Kosovës është afër qytetarëve, për të ndihmuar përmes rishpërndarjes, rritjes së punësimit, rritjes së mbështetjes në skemat sociale, për fëmijët, gratë dhe të rinjtë, si dhe për fermerët e ndërmarrësinë e vogël e të mesme. Tërheqja e mjeteve nga Trusti nuk ndihmon kategoritë në nevojë, pasi që edhe vet përqindja e fondit pensional të tyre është e ulët. Me kursimin e pleqërisë nuk duhet abuzuar dhe veprimin e tillë, duhet konsideruar si të mangët”, thuhet në komunikatën e Qeverisë.
Por çka pritet të ndodh me Trustin tani e tutje?
Në ditet në vijim pritet që të caktohet seanca rreth projektligjit te Trustit.
Gjasat sipas deputetit të PDK-së, Bekim Haxhiu, janë që të votohet pasi që e gjithë opozita është pro, deputetët e minoriteteve po ashtu.
Sipas Haxhiut edhe disa deputet të VV-së do të votojnë pro edhe pse qeveria ka shprehur mendim kunder.
