Për një dekadë aktivistët e Lidhjes Demokratike të Kosovës kryen aktivitete të shumta brenda selisë në Vushtrri.
Por një gjë të tillë nuk dihet nëse do ta bëjnë më, kjo pasi pronari i objektit, Ymer Ukiqi, pretendon se nuk i është paguar qiraja.
Ky i fundit, përmes telefonit, i tha Klan Kosovës, se dega e LDK-së këtu i ka borxh 9500 euro dhe për këtë arsye i ka dërguar në gjykatë.
Por, të kundërtën e thonë brenda LDK-së në këtë komunë.
“LDK, dega në Vushtrri, i ka kryer me kohë pagesat ndaj qiradhënësit, z. Ymer Ukiqi, siç shihet në këtë procesverbal të nënshkruar nga vetë z. Ukiqi. Për ne janë befasi këto deklarata. Çështjet brenda palëve i zgjidhim sipas ligjit. Por nëse z. Ukiqi ka presion nga pushteti i ri lokal për legalizim të objektit që të bëjë këso lloj deklaratash, i konsiderojmë joparimore dhe pa bazë”, thonë nga Komuna e Vushtrrisë.
