Kryesuesi i Këshillit Prokurorial i Kosovës, Arian Gashi ishte i informuar lidhur me rastin e tashmë të ndjerës Arlind Zekaj në Pejë.
Siç është raportuar në Debat Plus, Zekaj i ishte drejtuar me një letër kryesuesit të KPK-së, Arian Gashi.
Letra e saj ishte dorëzuar më 21 tetor, ndërsa në të ishin adresuar problemet në të cilat kishte hasur Zekaj.
Megjithatë vetë Gashi pranoi se e kishte marrë parasysh letrën e Zekajt dhe i ishte drejtuar me një kërkesë kryeprokurores së Prokuroisë Themelore në Pejë.
Me datë 21 tetor, kryesuesi Gashi i ishte drejtuar kryeprokurores Vuçetaj duke i thënë të njëjtës që ta vlerësojë rastin e Arlindës.
“KPK ka pranuar një kërkesë nga zonja Arlinda Zekaj përmes së cilës ka paraqitur pretendimet e saj lidhur me veprimet ndaj lëndës së saj në Prokurorinë tuaj. Andaj, bashkangjitur me aktin ua përcjellim kërkesën në fjalë që sipas kompetencave tuaja ligjore, ta trajtoni këtë çështje”, thuhet në letrën që kryesuesi Gashi ia kishte dërguar kryeprokurores Vuçetaj.
