Artan Abrashi, deputet i Lëvizjes Vetëvendosje, tha sonte në Pressing se në Veri ka elemente të sovranitetit “falë Qeverisë Kurti”.
Abrashi tha se “ka qenë e paimagjinueshme me mendu situatën që Radojiçiqi është në arrati me bandat e veta”.
“Ju folni në telefon me të, Mimoza Kusari-Lila”, i tha autori i Pressing, Leonard Kerquki.
“E keni trajtu qaq shumë ketë temë jeni t’u përsëritë gjëra që nuk qëndrojnë, Mimoza ka dalë e ka sqaru këtë punë, kryeministri ka folë”, tha Abrashi.
“Qysh e kemi dëgju Pronton e kemi dëgju edhe këtë”, ia ktheu Kërquki.
“Tabelat, letërnjoftimet…Kjo është bindja e ligjit, tabelat RKS, letërnjoftimet. Tash përdoret valuta euro, këto janë elemente të sovranitetit që për herë të parë i kemi në Veri falë Qeverinë, respektivisht kryeministër Albin Kurti”, tha deputeti Abrashi në Pressing, sa i përket veriut.
“Po e zëmë nëse nuk është LVV në pushtet, unë nuk i besoj por hipotetikisht e ki një koalicion një vit, e ki rikthimin e Listës Srpska në Qeverinë e Republikës së Kosovës, faktorizimin e Beogradit në vendimmarrje të institucioneve tona sikur që ka qenë më herët, krejt ky progres bjen në pikën zero”, tha Abrashi.
