Deputeti i LDK-së, Avdullah Hoti, ka thënë se majtistët tani në pushtet po e pranojnë më në fund atë që po e thonë Banka Botërore, se Kosova është zhvilluar dhe jo varfëruar nga regjimet e kaluara, raporton Gazeta Blic.
Ai përmes një postimi në Facebook ka thënë se kështu po bëjnë propagandë mashtruesit, por që mashtrimet e opinionit po marrin fund dhe se e vërteta gjithmonë mbizotëron.
Postimi i tij i plotë:
Banka Botërore po thotë se: “Kosova ka përjetuar progres të qëndrueshëm ekonomik gjatë dekadës së fundit, me një rritje prej afro 50 për qind të të ardhurave për kokë banori dhe një ulje prej 35 për qind të shkallës së varfërisë.” Këtë të vërtetë tani po e pranojnë majtistët në pushtet.
Pra, pavarësisht sfidave, Kosova qenka zhvilluar nga ‘regjimet e kaluara” e jo varfëruar, siç bëjnë propagandë mashtruesit.
Mashtrimet e opinionit po marrin fund. E vërteta mbizotëron gjithmonë.
