Pas transferimeve të Dean Huijsen dhe Trent Alexander-Arnold, Real Madrid ka njoftuar largimin e mbrojtësit Jasús Vallejo, i cili ka qenë jashtë planeve të skuadrës.
“Real Madrid CF njofton se Jesús Vallejo ka përfunduar kohën e tij si lojtar i Real Madridit”.
“Real Madrid falënderon Jesús Vallejon për profesionalizmin, përkushtimin dhe punën e tij, dhe i uron atij dhe familjes së tij më të mirat në këtë fazë të re të jetës”, thuhej në deklaratën zyrtare të klubit.
Vallejo, 28 vjeç, iu bashkua Real Madridit në vitin 2015, por më shumë se gjysmën e kësaj periudhe e kaloi në huazim.
Ai pati disa aventura të përkohshme te Real Zaragoza, Eintracht Frankfurt, Wolves dhe Granada.
Sa i përket kontributit të tij te Real Madrid, Vallejo zhvilloi vetëm 35 paraqitje me ekipin e parë, duke shënuar një gol dhe dhënë një asistim. Katër nga këto paraqitje i realizoi në sezonin 2024/25.
Kontrata e qendërmbrojtësit ishte e vlefshme deri më 30 qershor, por palët ranë dakord ta ndërpresin bashkëpunimin përpara kohe.
Vallejo largohet nga klubi duke fituar dy tituj të Ligës së Kampionëve, katër Kupa të Botës për Klube, tre Superkupa Evropiane, një titull të La Ligas, një Kupë të Mbretit dhe dy Superkupa të Spanjës.
