Veriu.info
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Veriu
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Nuk u gjet asgjë!
Të gjitha rezultatet
Veriu

Rexhep Hoti: Hera e parë në historinë botërore të Ballkanit që fitojnë të gjithë!

19/03/2023 - 20:05
në Opinione
A A
Nis takimi trepalësh në Ohër
Shpërndaje në FacebookShpërndaje në Whatsapp

Opinon nga Rexhep Hoti

E dijshmja dhe vlera për shqiptarët ka kohë – shekuj, që është faktor i huaj përballë interesave të tyre kolektive. Duke mos qenë të aftë ta fitojnë Lirinë e plotë vetë, ata këtë e bënë me ndihmën e evropianëve, veçmas të atyre tejoqeanik – ShBA-së. Atë çfarë ndodhi në Ohër, më 18 mars 2023, një zyrtar i lartë i Shteteve të Bashkuara të Amerikës e cilësoi – marrëveshje vizionare. Dhe e vërteta në këtë pikë përpara se të jetë historike është vërtetë e tillë. Sepse e futë përmbylljen, një proces të ngatërruar e të përgjakshëm mbi 700 vjeçar, midis popullit shqiptar dhe serb, në nivele zyrtare të organizmave ndërkombëtar me pajtimin e tre palëve: të faktorit serb, atij shqiptar dhe faktorit të Bashkimit Europian. Mbikëqyrësi dhe garantuesi kryesor i të tria faktorëve në të vërtetë është ShBA-ja.

Në të vërtetë Europa *(Fuqitë e saj kryesore) historikisht kurrë nuk ka hartuar një dokument zyrtar – plan ndërshtetëror me të cilën do ta njihnin dhe garantonin sovranitetin dhe integritetin e Republikës së Kosovës, ashtu siç rrjedhin këto përmasa prej marrëveshjes së mbrëmshme në Ohër (plani francezo-gjerman* dhe pjesa implementuese), e cila pret nënshkrimin e saj formal, që mendoj se do të jetë një nivel i shtetnjohës me peshë ndërkombëtare me ceremoni, për dallim nga përmasa bazë e humanizmit të vetëqeverisjes autonome që kishte Rambujeja.

Në anën tjetër normalizimi i shtetit të Republikës së Kosovës dhe i shtetit të Republikës së Serbisë nuk është vendim i një akti, por është vendimmarrje në proces. Kjo duhet te zbatohet e të kuptohet gradualisht, sepse “çështja” e dhënë për t’u normalizuar e tejkalon kapacitetit e përballjes reale ndërmjet të dyja shteteve për ta aprovuar atë si akt, por i tillë është edhe për vetë diversitetin e politikave të jashtme të shteteve brenda BE-së. Kjo do të thotë se njohja e Republikës së Kosovës de jure e de facto është sfidë e madhe edhe për vetë disa shtete të Bashkimin Europian e jo vetëm për Serbinë.

Me aktin e pajtimit me procesin e marrëveshjes së mbrëmshme të gjitha palët (Kosova, Serbia dhe BE-ja) kanë kohë të nevojshme të rreshtohen drejt në binare të trenit, e cila nga prapa ka vagonë në disa vende të ndryshme. Prandaj pajtimi për Marrëveshjen e mbrëmshme të Ohrit ka pasur nevojë jo vetëm Serbia e Kosova, por, mbi të gjitha, vetë Bashkimi Evropian dhe kjo filozofi tashme është formësuar dhe përmbyllur si e tillë.

Nuk ka ekzistuar më parë kurrë një dokument zyrtar që e bënë kaq substanciale Republikën e Kosovës nga përmasa e saj ndërkombëtare sesa pajtimi në dokumentacionin ndërmjet palëve në Ohër: Serbi – Kosovë – BE. E gjitha çfarë kërkohet prej Republikës së Kosovës është natyrë që duhet të burojë dhe të jetë në pajtim me natyrën Kushtetuese të Republikës së Kosovës. Natyra e ndërtimit të shtetit të Republikës së Kosovës ka një parim bazë dhe të vetëm e ai është, ndërtimi dhe garantimi se pari i të Drejtave dhe Lirive të Komuniteteve joshumicë e më pas edhe të komunitetit shumicë. Në Kushtetutën e Republikës së Kosovës vetëm një herë përmendet emri i përkatësisë së shumicës e më kurrë. Pra vetëm njëherë përmendet emri “shqiptar” e përmendja e komunitetit joshumicë serb është dy shifrore. Kjo filozofi e aplikuar në shtetndërtimin e Kosovës Republikë me njohje ndërkombëtare është unike në vetvete sepse ajo vjen në kohën kur e drejta për popullin shqiptar të Kosovës kishte skaduar nga ana ndërkombëtare, thënë me figurë. Shqiptarët nuk vuajtjen pse të tjerët kishin Liri, por vuajtjen sepse edhe ata nuk e kishin Lirinë.

Nja dy fjalë mund të thuhen edhe për faktorin opozitar të Republikës së Kosovës; gjersa LDK e ka qëndrimin e mjerë politik, sepse dëshiron ta shndërrojë qëndrimin e saj në një akt për votë elektorale (të gjithë e dinë se nuk e pyet atë askush seriozisht), PDK-ja, në anën tjetër, del edhe më poshtë sesa mjerimi i LDK-së. PDK – po largohet prej dy vlerave fundamentale që i kishte, nga trashëgimia historike e rolit të UÇK, dhe kjo vlerë më nuk ekziston tek ajo dhe, e dyta, nga vlera e amerikanizmi të saj. E bukura e të dyja qëndrimeve opozitare në lidhje me çështjen në fjalë është se ato (LDK dhe PDK), në këtë rast, nuk kanë më autoritet publik e as forca tjera për të vendosur theksime negative thelbësore në raport me planin franko-gjerman.

Albin Kurti e kishte gjithë fatin më vete këtë radhë. Në qoftë se do të mund të qëndroj deri ne fund të normalizimit, atëherë do të mund të thuhet nga ana e mendimit të avancuar: rugovizmi plus thaçizmi i barabartë me albinizëm.

P.S: qëndrimi i shoqërisë civile në Kosovë dhe i ‘ekspertëve të saj të pavarur’ është i varur gjithmonë nga fati i tyre personale.

JU REKOMANDOJMË

Zonja presidente, rrëzojeni këtë mur!
Opinione

Zonja presidente, rrëzojeni këtë mur!

17/07/2025 - 10:15
Maska, individualizimi vs demokraci
Opinione

Maska, individualizimi vs demokraci

17/07/2025 - 10:14
“Milani është njëfarë Bin Ladeni i Ballkanit” – Ku i mori Berat Buzhala përgjimet Kusari-Radoiçiqi?
Opinione

Vjosa Osmani po mendon të rikthehet në LDK ose ta bëj një parti të veten

16/07/2025 - 19:16
Tridhjetë shkeljet e Gjykatës Speciale
Opinione

Tridhjetë shkeljet e Gjykatës Speciale

16/07/2025 - 14:01
Çka (s’)na tha policia, pasi i vdiq ni qytetar në pranga?
Opinione

Çka (s’)na tha policia, pasi i vdiq ni qytetar në pranga?

11/07/2025 - 12:29
Remi flet për bashkëpunëtorët e Serbisë: Palca e kombit tashmë i ka falur ata…
Lajme

“Blloku i Keq” s’fillon e s’mbaron me Nazim Bllacën!

11/07/2025 - 10:19

Më të lexuarat në 24 orët e fundit

  • Thellohet skandali: Në vend të rrënimit, ‘Medi Premium’ ndërton edhe një ‘Penthouse’ pa leje – inspektorët nënshtrohen përballë biznesmenit Albert Halilaj

    Thellohet skandali: Në vend të rrënimit, ‘Medi Premium’ ndërton edhe një ‘Penthouse’ pa leje – inspektorët nënshtrohen përballë biznesmenit Albert Halilaj

    127 Shpërndaje
    Shpërndaje 51 Tweet 32
  • Skandal: 40 vjeçarja nga Podujeva u operua për kancer, por i doli vetëm zorra qorre

    133 Shpërndaje
    Shpërndaje 53 Tweet 33
  • As Benzema, as Vinicius Jr., por Butrint Imeri: Publikon video me influenceren shqiptare, Melissa

    99 Shpërndaje
    Shpërndaje 40 Tweet 25
  • Incidenti në Pejë: Zbraz kallashin në ajër pasi nuk u lejua të parkohej te një biznes privat (VIDEO)

    93 Shpërndaje
    Shpërndaje 37 Tweet 23
  • Formohet një subjekt i ri politik në Kosovë

    86 Shpërndaje
    Shpërndaje 34 Tweet 22

Të gjitha të drejtat janë të rezervuara.

Privacy Policy

© 2023 Veriu.info

Nuk u gjet asgjë!
Të gjitha rezultatet
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum

© Veriu.info

Veriu.info përdor cookies. Duke vijuar me hapjen e kësaj faqe, ju bini dakord me kushtet për përdorimin e cookies. Më shumë