Kryetari i PSD’së, Dardan Molliqaj, deklaroi sot se janë pro ripërcaktimit të kufijve me Serbinë.
Lidhur me këtë atij iu tha se kjo ngjason me pajtueshmërinë me idenë e ish-presidentit Hashim Thaçi, për korrigjimin e kufijve.
Megjithatë, një gjë të tillë Molliqaj as nuk e mohoi vetëm se u shpreh se kjo si e tillë ”mund të reduktohet”.
”Ne jemi deklaruar sot publikisht, që PSD-ja është për ripërcaktimin e kufijve. Kjo besojmë se është marrëveshje e qëndrueshme, që krijon paqe të përhershme, dhe që krijon barazi mes popujve”.
”Janë edhe dy opsione të tjera”.
Pra, ju jeni pro idesë së ish-presidentit Hashim Thaçi?
“Pooo mund ta reduktoni edhe ashtu s’është problem, sepse kjo ide është edhe më e vjetër se Thaçi, është më e vjetër edhe se dikush tjetër. Nuk e kam problemin”, tha Molliqaj në Rubikon në KlanKosova.
