Ministrja e Ekonomisë, Artane Rizvanolli, ka njoftuar se të mërkurën ka takuar dy kryeshefet e Telekomit dhe Postës së Kosovës, Burbuqe Hanën dhe Nora Rracin.
Sipas saj, të dyja këto janë duke bërë punë mbrësëlënëse për të zhvilluar ndërmarrjet shtetërore e për t’u shërbyer qytetarëve të Kosovës.
Ajo tregoi se Telekomi vetëm gjatë vitit të fundit në Kosovë ka ulur shpenzimet dhe po i zëvendëson qiratë e shtrenjta, transmeton Paparaci.
Sa i përket Postës së Kosovës, Rizvanolli u shpreh se për herë të parë në raportin e ZKA-së nuk ka opinion të kundërt.
Postimi i saj i plotë:
Gjatë kafes së mëngjesit kemi biseduar me dy kryeshefet e Telekomit e të Postës së Kosovës, Burbuqe Hanën e Nora Rracin të cilat janë duke bërë punë mbresëlënëse për të zhvilluar ndërmarrjet tona e për t’u shërbyer qytetarëve të Republikës së Kosovës!
Buqja e Nora janë shembuj se si duhet punuar e luftuar për ndërmarrjet tona publike, e kjo dëshmohet nga rezultatet e punës së tyre.
Vetëm gjatë vitit të fundit, Telekomi:
– Nga EBITDA negative prej -5.85 milionë në 2019, 2022-ta është mbyllur me EBITDA pozitive prej 8.8 milionë euro;
– Nga humbjet prej -26.92 milionë euro në 2019, tremujori i parë i 2023 është mbyllur me fitim prej 0.73 milionë euro;
– Shpenzimet janë ulur nga 81.7 milionë euro për vitin 2018 në 47.4 milionë euro për vitin 2022. Trendi po vazhdon të ulet;
– Ka paguar obligime në vlerë prej 34.9 milionë euro ndaj ATK-së, Trustit e ARKEP-it, vetëm gjatë 2022 dhe TM1 2023;
– Po zëvendëson qiratë e shtrenjta;
– Po i paguan me rregull pagat dhe obligimet tatimore e pensionale;
– Për herë të parë pas vitit 2015 po investon në teknologji që do të përmirësojnë dukshëm shërbimet mobile dhe fikse. Këto investime po bëhen me huanë 13.5 milionëshe të marrë nga Qeveria;
– Ka mbuluar akset rrugore në komunat veriore dhe po vazhdon zgjerimin e rrejtit në vendbanime. Për herë të parë ka shtrirë të gjitha shërbimet në stactionet policore në komunat veriore; si dhe
– Po lufton e fiton në betejat juridike, në arbitrazhe, si dhe ka dërguar dhjetra lëndë në Polici e Prokurori.
Gjatë vitit të fundit, Posta e Kosovës:
– Nga EBITDA negative prej -277k euro në 2018, 2022-ta është mbyllur me EBITDA pozitive prej 207k euro;
– Nga humbjet prej -2.44 milionë euro në 2018, tremujori i parë i 2023 është mbyllur me -306k euro;
– Shpenzimet janë ulur nga 13.5 milionë euro për vitin 2018 në 11.74 milionë euro për vitin 2022. Trendi po vazhdon të ulet;
– Ka paguar obligime në vlerë prej 2.6 milionë euro ndaj ATK-së, Trustit e ARKEP-it, vetëm gjatë 2022 dhe TM1 2023;
– Për herë të parë në raportin e ZKA-së nuk ka opinion të kundërt;
– Po zgjeron rrjetin e zyrave postare në të gjithë vendin;
– I ka plotësuar kushtet dhe do të përfitojë nga ShUP;
– Ka arritur prezencë në pikëkalimet kufitare veriore e po vazhdon drejt pjesëve tjera në komunat veriore; si dhe
– Po paguan me rregull pagat e obligimet tatimore e pensionale.
