Në debatin e djeshëm në Parlamentin britanik për sigurinë në Ballkanin Perëndimor, deputetja Alicia Kearns, përmendi një histori tragjedie të dy të rinjve që u vranë gjatë rrethimit të Sarajevës nga forcat serbe.
“Tragjedia e luftës së Bosnjës është mishëruar në historinë e 25-vjeçarëve Boshko Brkiq dhe Admira Ismiq, të njohur si Romeo dhe Zhulieta e Sarajevës. Boshko ishte një serb i Bosnjës i cili ishte thellësisht i dashuruar me të dashurën e tij Admira, një boshnjake. Të dy u bllokuan në rrethimin e Sarajevës nga ushtria serbe e Bosnjës dhe u përpoqën të arratiseshin në 1993, duke shpresuar të vazhdonin jetën e tyre të re, plot shpresë dhe larg tmerreve të luftës. Teksa tentonin të largoheshin nga qyteti, Boshko u qëllua nga një snajper dhe u vra menjëherë. Një tjetër e shtënë plagosi Admirën, e cila në momentet e saj të fundit u zvarrit drejt Boshkos dhe e përqafoi trupin e tij, duke u dorëzuar përfundimisht pas plagëve të saj ndërsa ajo përqafoi të dashurin e saj. Përqafimi i tyre përfundimtar, ndërsa Admira po vdiste, sinjalizonte forcën e palëkundur të lidhjes së tyre dhe përfaqësonte refuzimin e urrejtjes dhe të ndarjes etnike”.
Ajo shtoi se duhet të bëhet gjithçka që të mbahet paqja që të rinjtë të mund të ëndërrojnë për të ardhme.
“Shpresat e të rinjve Romeo dhe Zhuljeta të Sarajevës vazhdojnë të mbahen nga shumë njerëz anembanë Bosnje dhe Hercegovinës dhe është detyra jonë t’i fuqizojmë ata të ëndërrojnë për atë të ardhme më të ndritur dhe të bëjmë gjithçka mundemi për të kufizuar kthimin e dhunës dhe më shumë mizori në rrugë”./Express/
