Mbrojtësi i skuadrës së Prishtinës, Rron Rraqi, po fillon një aventurë të re në karrierën e tij.
Ai do të jetë futbollist i ri i skuadrës së Hajduk Split në Kroaci, me ‘Telegrafin’ që raportoi se shuma e transferimit të tij do të jetë rreth 300 mijë euro.
‘GazetaBlic Sport’ mëson se tashmë ai është kthyer nga Parisi ku po qëndronte skuadrën, teksa nesër pritet të udhëtojë drejt Splitit. Poashtu, klubi kosovar do të mbajë 10% të kartonit të tij.
Rraqi, pra, nuk do të jetë pjesë e skuadrës së Prishtinës në ndeshjen e nesërme ndaj Larne, duke e përfunduar aventurën e tij tek skuadra nga kryqyteti, ku kishte edhe një përshëndetje emocionale me bashkëlojtarët e tij dhe stafin.
