Kandidati i LDK-së për kryetar të Junikut, Ruzhdi Shehu, ka falenderuar junikasit që jetojnë në Junik dhe në mërgatë për përkrahjen e madhe.
Postimi i Ruzhdi Shehu:
Të dashur bashkëvendas,
Faleminderit nga zemra të gjithë junikasve që jetojnë në Junik dhe në mërgatë, për përkrahjen kaq të madhe gjatë kësaj fushate zgjedhore.
Kundërshtarët tanë politik kanë zhvilluar një propagandë të egër. Njëkohësisht kanë kërcënuar qytetarët dhe kanë bërë thirrje për të bojkotuar zgjedhjet. Pa asnjë nevojë, kanë prekur moralin tonë duke përmendur familjet tona, duke shpifur dhe duke ofenduar.
Mirëpo junikasit nuk mashtrohen, nuk frikësohen, nuk shiten dhe nuk blihen nga askush. Prandaj ne kemi ruajtur qetësinë në çdo moment. Shpifjeve u jemi përgjigjur me argumente. Ofendimeve me projekte të realizuara. Ndërsa propagandave me program politik.
Në Junik, sot festa ka filluar më herët, në tubimin tonë përmbyllës ku morrën pjesë mbi 1,000 junikas.
Nesër ju bëjmë thirrje të gjithë junikasve të marrin pjesë në zgjedhje. Në mbrëmje ju ftojmë të bashkoheni me ne, për të festuar fitoren tonë madhështore. Junikun edhe 4 vite tjera do ta qeverisin vetëm junikasit, dhe jo të tjerët nga jashtë.
Vazhdojmë +4.
#LDK113
#JunikuPërtej
