Kryetari i Aleancës Kosovare të Bizneseve (AKB), Agim Shahini, thotë se që nga dita e parë ka qenë e ditur se qeveria nuk i ka votat e mjaftueshme, raporton GazetaBlic.
Shahini në një intervistë për GazetaBlic, thotë se për këtë bllokadë politike fajtor është qeveria e vendit të cilët interesin personal dhe politik e kanë vendos para interesit të Kosovës.
“Se qeveria nuk i ka votat është ditë që nga dita e parë, se pse është bllokada është fajtor qeveria, por se do të vjen bllokada tjetër prap është fajtor udhëheqësit e qeverisë së Kosvoës të cilët interesin personal dhe politik e kanë qitë para interesit të Kosovës”, tha ai.
Ndër të tjera, ai thotë se mos formimi i qeverisë do ndikoj në ekonominë e vendit në aspektin financiar.
Shahini tregon se humbjet të cilat i kanosen Kosovës, janë shumë dimensionale si në aspektin ekonomik ashtu edhe diplomatik, ku shton se këto humbje të mëdha janë dëmtim i imazhit të shtetit dhe të ardhmërisë sonë.
“Ndikimi në ekonominë e vendit në aspekt financiar, dy vite nën sanksione dhe një vitë pa investime qoftë ato publike, apo të huaja dhe mundësinë për të thithë kapital nga bankat e ndryshme botërore, ne e kemi humbur dhe humbjet janë rreth 2 miliardë euro, të cilat humbje i faturohen poashtu sanksionet ekonomike, mosgatishmëria e investitorëve dhe bankave të ndryshme për ti mbështetur iniciativat e bizneseve në Kosovë dhe institucioneve shtetërore, mosratifikim të marrëveshjeve të ndryshme ndërkombëtare e që kanë ndikim finaciar dhe gjithë kjo ka bërë që Kosova më në fund të jetë edhe e përjashtuar nga dialogu strategjik me ShBA-të dhe jemi fut në një bllok me shtetet e lindjes.
“Humbjet ne i kemi shumë dimensionale, atë ekonomik, diplomatik sepse asnjë shtet i ri nuk na njeh, Kosova nuk po mund të intergrohet në asnjë mekanizëm ndërkombëtarë, kemi të bllokuar dialogun mes faktorit ndërkombëtarë dhe Kosovës, dhe kjo është ndikim i madh, humbje e madhe dhe kjo është dëmtim i imazhit të shtetit tonë dhe të ardhmërisë sonë”, u shpreh ai.
Shahini thotë se të gjitha këto bllokada të një pas njëshme e dërgojnë Kosovën drejt falimentimit, ku shton se vendi tani po hynë në një fazë të re bllokuese.
“Të gjitha këto bllokada të njëpasnjëshme e qon drejt falimentimit të shtetit, sepse ne nëse nuk e kemi buxhetin e miratuar për vitin e ardhshëm, ne e kemi të drejtën që deri në muajin shkurt në mënyrë të limituar të shpenzojmë shpenzime por me mosmiratim të Kuvendit në muajin mars nëse kishte me qenë Kuvendi i konstituar kishte me pas mundësi me një vendim të Kuvendit të vazhdohen shpenzimet edhe për një muaj tjeter. Por sipas kësaj që po shohim këtu duket se nuk do të kemi zhbllokim por vetëm po hymë në fazë të re bllokuese, dhe faza e re bllokuese po sjellë vit të rëndë tjetër ekonomik 2026, që do të ballafaqohemi edhe me tkurrje ekonomike, me ikje të rinjëve tonë, rritje të varfërisë në Kosovë”, theksoi ai.
Ndër të tjera ai shton që nga shkurti vendi rrezikon që çdo pagesë nga fondi dhe nga qeveria e Kosovës të bllokohet.
Për fund, Shahini thekson se në këtë situatë të cilën ndodhemi është i rrezikum falimentimi i bizneseve por edhe i vet shtetit pa buxhet.
“Kosova rrezikon të mbetet nga shkurti, sepse egziston ligji për financat publike ku trajton një nga një sepse përshkruesi i ligjit e ka paramendu që do të ketë bllokadë por nuk e ka mendu që mund të jenë këto bllokada aktuale që i kemi.Nëse do të vijë ajo ditë, atëherë cdo pagesë nga fondi dhe nga qeveria e Kosovës bllokohet. Nuk do të ketë as paga, as mundësi për të paguar shpenzime, të gjithë njerëzit të administratës publike do të punojnë pa paga, shpenzimet do ti bartin vetë personale dhe raporti me ndërmarrësit dhe investimet kapitale që janë në proces e sipër do të bllokohen dhe bizneset mos pagimi i tyre mund ti dërgoj disa që punojnë me institucione publike në falimentim, prandaj këtu është i rrezikum falimentimi i bizneseve por edhe i vet shtetit pa buxhet”, përfundon ai për GazetaBlic.
