Një shkëmbim zjarri mes disa personave ka ndodhur ditën e sotme në Gojbulë të Vushtrrisë, raporton Gazeta Online Veriu.info.
Rastin e të shtënave e ka konfirmuar për Gazetën Online Veriu.info zëdhënësi i Policisë së Kosovës për rajonin e Mitrovicës, Avni Zahiti.
“Sot, rreth orës 12:00, është raportuar për të shtëna me armë në fshatin Gojbulë te Vushtrrisë.” – ka thënë Zahiti.
Nga të shtënat me armë nuk raportohet për të lënduar. Ne vendin e ngjarjes janë gjetur disa gëzhoja, ndërsa janë konfiskuar dy armë.
“Lidhur me rastin, shtatë persona janë shoqëruar në polici për intervistim. Heyuesit policor po vazhdojnë rrjedhën e hetimeve.” – tha ndër të tjera Zahiti.
