Njohësi i çështjeve politike, Belgzim Kamberi, ka kritikuar Qeverinë e Kosovës për shpërndarjen e 100 eurove për pensionistët dhe fëmijët.
Duke i cilësuar këto 100 euro si “lëmoshë”, Kamberi ka treguar se çfarë dëme mund t’i sjellin shtetit dhe thekson se Qeveria nuk ka politikë zhvillimore ekonomike.
“Çështja e lëmoshës është vazhdimësi e mungesës së një politike të qatë zhvillimore të qeverisë. E pamë edhe me shpërndarjen e buxhetit për komunat edhe sepse aty ka dimension të partiokracisë. Edhe kjo është vazhdimësi e një mungesës politike ekonomike të kësaj qeverie. E këto paret që janë lëshu sot mund të jenë vetëm tri funksione: rritjen e inflacionin, mirëmbajtjen e varfërisë por edhe thellim të pabarazisë. Sepse këtu jemi në një situatë, ku po e thjeshtëzojë: djali i Ramiz Kelmendit i merr një qind euro si djali i minatorit. Dhje këtu për çfarë qeveria progresive po flasim edhe për çfarë strategji ekonomike, hiç s’po merremi në çështje ideologjike të majtë ose të djathtë… këtu s’ka fare strategji ekonomike…” ka thënë Kamberi në Debat Plus.
Sipas tij, shpërndarja e këtyre mjeteve në një kohë normale dëshmon se nuk kemi Qeveria, por, administratë.
“Dhe ketë e kanë të gjitha qeveritë ekonomitë konservatore në rajon të cilat ndajë kësi lëmoshe zakonisht në kohë parazgjedhore ose në situatë të jashtëzakonshme. Por cila është arsyeja sot, të ndash këso lëmoshe, si me një lloj Exeli, kjo e dëshmon që ne nuk kemi qeveria ne kemi vetëm administratë… kësisoj ti lirisht mundesh me e hjek qeverinë edhe me nda buxhetin 3 miliardësh dhe mos me pas fare politika as socio ekonomisë as zhvillimore”, ka theksuar Kamberi.
