Situata “e paparashikueshme” e Jude Bellingham raportohet se është duke i shqetësuar drejtuesit e Real Madridit, me mesfushorin që shihet si “një nga humbësit më të mëdhenj” nën drejtimin e Carlo Ancelotti-t.
Ylli i kombëtares së Anglisë, Bellingham, pati një sezon debutues të shkëlqyer me Realin në 2023/24, duke shënuar 23 gola në të gjitha garat – duke fituar La Liga-n dhe Champions League, ndërsa e vendosi veten në garë për Topin e Artë.
Mbërritja e Kylian Mbappe-s si një tjetër “Galaktik” në Santiago Bernabeu ka ndikuar te Bellingham. Ai është tërhequr më thellë në mesfushë nga roli i tij si numër 10 që mbajti sezonin e kaluar, duke pësuar një periudhë pa gola në 12 ndeshje.
Sipas asaj që shkruan Relevo, situata e Bellingham është bërë shqetësuese për bordin e Realit – duke u përshkruar si “e panjohur, e paparashikueshme, e çorientuar”.
21-vjeçari tashmë konsiderohet si një nga “humbësit më të mëdhenj të eksperimentimeve të Ancelotti-t”, pasi është zhvendosur midis pozicioneve në të djathtë dhe të majtë.
Reali ka pësuar dy humbje radhazi kundër Barcelonës dhe AC Milan në kompeticione vendase dhe kontinentale, duke ngritur pikëpyetje për të ardhmen e Ancelotti-t.
Thuhet se drejtuesit e klubit janë të pavendosur për ta shkarkuar trajnerin italian “në mes të sezonit”, por ai duhet të përmirësojë rezultatet për të shmangur shkarkimin. /GazetaExpress/
