Shumë qytetarë gjatë ditës së sotme kanë pranuar sms në emër të Policisë së Kosovës duke pretenduar në mënyrë të rreme se qytetarët kanë gjoba trafiku dhe duke i ftuar të klikojnë në lidhje (linke) për të kryer pagesa, raporton Gazeta Online Veriu.info.
Policia e Kosovës përmes një komunikate publike ka njoftuar qytetarët se këto mesazhe nuk janë zyrtare dhe kanë për qëllim mashtrimin.
Policia e Kosovës lut qytetarët të mos klikojnë në linke të dyshimta, të mos japin të dhëna personale apo bankare si dhe të mos kryejnë pagesa përmes lidhjeve të dërguara me SMS.
“Nëse pranoni një mesazh të tillë:
Fshijeni menjëherë. Raportojeni rastin në Policinë e Kosovës, stacionin më te afërt Kontaktoni bankën tuaj nëse keni ndarë të dhëna personale ose bankare.Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.” – thuhet në komunikatën e Policisë.
