Takimi i 14 shkurtit Kurti-Vuçiq në Bruksel përfundoi pa asnjë rezultat.
Pas këtij takimi, kryeministri Kurti akuzoi ndërmjetësuesin e Bashkimit Evropian për dialogun Kosovë-Serbi, Miroslav Lajçak për njëanshmëri.
Këto akuza si duket janë parë me skepticizëm edhe nga Shtetet e Bashkuara të Amerikës.I dërguari i SHBA-ve për Ballkanin Perëndimor, Gabriel Escobar, tha se po i sheh me shqetësim mesazhet që vijnë nga Kosova dhe se nuk sheh ‘asnjë dëshmi të njëanshmërisë’ te ndërmjetësi i dialogut Kosovë-Serbi, Mirosllav Lajçak.
Ai tha se pala kosovare duhet të jetë më konstruktive.
Në lidhje me këtë situatë të krijuar ka folur për “Gazeta Blic” profesori i shkencave politike nga Mitrovica, Nexhmedin Spahiu.
Spahiu tha se pavarësisht kësaj pëlqyeshmëria për kryeministrin Kurti po rritet.
Ai tha se nuk pritet të ketë zgjedhje të reja në këtë kohë pasi asnjëri prej treguesve nuk thotë diçka të tillë.
“Unë po shoh që pëlqyeshmëria për kryeminitrin Kurti po rritet. Nuk besoj se ka zgjedhje në këtë kohë pasi asnjëri prej treguesve nuk thotë diçka të tillë pasi pëlqyeshmëria për Kurtin po rritet dhe s’kemi kalim të deputetëve të këtij subjekti politik në parti të tjera.
Ai deklaroi se pas humbjes drastike të elektoratit në zgjedhjet e fundit lokale, po e rikthen sërish, por jo me performancë por për faktin se opozita nuk është në nivelin e duhur.
“Ai e ka shumicën pas vetes dhe s’ka pse të japë dorëheqje. Dorëheqjen e jep një kryeministër që humb përkrahjen qoftë në parlament ose përkrahjen publike tek qytetarët. Unë s’po shoh asnjërën, ka patur 2 ose 3 shkuarje që gjithsesi nuk ja rrezikojnë shumicën. Pëlqyeshmëria që në fillim të mandatit të tij ishte në rënie drastike për shkaqe që u panë, ku në zgjedhjet lokale nga 2/3 elektoratit ai i humbi por ai po e rikthen këtë, jo me ndonjë performancë të mirë por për shkak se opozita e ka humbur rrugën në oborr” tha Spahiu për “Gazeta Blic”.
Nexhmedin Spahiu, ProfesorEdhe Përfaqësuesi i Lartë për Politikë të Jashtme dhe Suguri në BE, Josep Borrel, ka deklaruar se kryeministri Kurti nuk ka qenë i gatshëm të lëvizë përpara me çështjen e Asociacionit.
Ai deklaroi pas takimit të 14 shtatorit se Kurti nuk ishte i gatshëm të pranojë propozimin e ndërmjetësve evropianë ndërsa Vuçiq po.
“Palët kanë filluar nga anë të ndryshme. Propozimi ynë ishte që palët të punojnë paralelisht, ky ishte propozimi. Sot u mundova që të gjej zgjidhje për rrugën përpara duke u bazuar në propozimin tonë. Fatkeqësisht, Kurti nuk ishte i gatshëm që të lëvizë përpara dhe të fillojë që ta themelojë Asociacionin. Ai insistoi me njohjen e Kosovës. Ndërsa Vuçiqi e ka pranuar propozimin tonë”, ka shtuar ai, raporton Gazeta Blic.
