Profesori i shkencave politike nga Mitrovica, Nexhmedin Spahiu, në një prononcim dhënë për “Gazeta Blic” ka komentuar deklaratat e kryetarit të AAK-së, Ramush Haradinaj dhënë gjatë ditës së djeshme në lidhje me Draft-Statutin e Asociacionit.Spahiu tha se qëndrimi i Haradinajt ndaj procesit të dialogut ka qenë konstruktiv dhe ka patur qasje pozitive.
“Qëndrimi i Haradinajt ndaj procesit të dialogut ka qenë përgjithësisht konstruktiv. Ndonjëherë ka qenë i matur ndonjëherë i pamatur por gjithsesi ka patur qasje pozitive ndaj dialogut. Ajo çfarë nuk do të pajtohesha me Haradinajn është që Kosova nuk guxon me ba asnjë veprim pa veprimin e ndërsjelltë të Serbisë” deklaroi Spahiu për “Gazeta Blic”.Spahiu tha se Kosova nuk duhet të themelojë Asociacionin vetëm me garanci të BE-së dhe SHBA-ve.
“Nuk duhet të formojë Kosova Asociacionin vetëm me garanci të Bashkimit Evropian dhe Shteteve të Bashkuara të Amerikës. Asociacionin duhet me themelu në të njëjtën ditë që flamuri i Kosovës ngritet në Beograd”“Drafti mundet me qenë në përputhje me Kushtetutën por mundet me qenë i dëmshëm për Kosovën, mundet me qenë jo në përputhje me Kushtetutën por mos me qenë aq i dëmshëm” deklaroi profesori universitar për “Gazeta Blic”.
