Fehim Sali është arrestuar dje nën dyshimet për veprën penale të “spiunazhit”, në kuadër të një operacioni të përbashkët të Agjencisë Kosovare të Inteligjencës (AKI), Policisë së Kosovës dhe Prokurorisë Speciale.
Sipas dyshimeve të autoriteteve, Sali për një periudhë të gjatë ka bashkëpunuar me Agjencinë serbe të Inteligjencës (BIA) dhe ka pasur kontakte me zyrtarin e saj, Zelimir Matoviq, shkruan Veriu.info.
Fehim Sali, mësimdhënës nga Dragashi, ka dalë sot para Gjykatës Themelore në Prishtinë, nën dyshimin për kryerjen e veprës penale të spiunazhit.
Spiuni i dyshuar, në të kaluaren kishte arritur të fotografohej më ish presidenten Vjosa Osmani e kryeministrin Kurti.
Madje, Kurti e kishte pritur në zyre në vitin 2022 në kuadër të një takimi me përfaqësues të komunitetit goran në Kosovë. (Linku i komunikatës: https://kryeministri.rks-gov.net/news/kryeministri-kurti-bashkebisedoi-me-perfaqesuesit-e-komunitetit-goran/).
Në publik është publikuar edhe një foto e Fehim Sali me Albin Kurti./Veriu.info
Shënim: Personi i apostrofuar në këtë artikull prezumohen të pafajshëm, derisa fajësia e tyre të mos provohet me vendim të formës së prerë nga gjykata.
Përderisa, Vjosa Osmani më 2022 e kishte emëruar Fehim Sali si anëtar të Këshillit Konsultativ për Komunitete.
