Kreshnik Gashi nga BIRN ka komentuar sulmin në Zubin-Potok, duke e cilësuar si një akt tipik terrorist që synonte të shkaktonte frikë dhe panik në mesin e qytetarëve të Kosovës.
Gashi theksoi në emisionin “Debat Plus” në RTVDukagjini se ky sulm ishte mirë i planifikuar dhe kishte për qëllim të tregonte se sa afër janë terroristët dhe deri ku mund të arrijnë, duke kërcënuar sigurinë e qytetarëve.
Sipas Gashit, qëllimi kryesor nuk ka qenë shkaktimi i dëmeve të mëdha materiale, por krijimi i një atmosferë frike dhe paniku në të gjithë Kosovën.
“Sulm klasik terrorist dhe me shkaktu frikë dhe panik. Dhe më dëme jokolaterale të mëdha por me qëllim në krejt territorin e Kosovës me shkaktu panikun dhe frikën kolektive., Sepse sulmi ka goditur në mënyrë shumë profide fobinë kolektive që kemi me mbetur pa ujë dhe Ujmani ka me shpërthy nga një sulm i tillë.
Pasi që është menduar se mos me bë dëme të mëdha në zonë përreth, nëse ishte shpërthyer i tëri Kanali i Ibër-Lepencit kishte mundur me i dëmtu ato. Në të ardhmen, mundet me lënë Mitrovicën Veriore dhe zonat ku jetojnë serbët. Qëllimi terrorist nuk ka qenë me i lanë pa ujë por me tregu sesa afër janë terroristët dhe deri ku mbërrijnë ata me ardhë në shtëpitë tona”, tha Gashi.
