Gazetari dhe komentatori politik, Valon Syla, ka komentuar qëndrimin e Partisë Demokratike të Kosovës për të mos e marrë në listën zgjedhore Fatmir Limajn, duke thënë se duke e mbajtur Nait Hasanin në këtë rast, po krijojnë standard të dyfishtë.
Sipas Sylës, Limaj do t’i sillte rreth 12 mijë vota nga Malisheva, gjë që s’mund t’a bëjë asnjë prurje tjetër në këtë parti.
“Me majt Nait Hasanin, hajdukat e votave e mos me marre Fatmir Limajn në PDK, veç po duket standard i dyfishtë. Ai bile i kish pru afer 12K vota edhe 1 komune. Asnjë prurje tjeter e re e as e vjeter nuk besoj se kishte mundur me sjellë kaq për PDK. Krejt cka vyne eshte aftesi negociuese edhe pse çështja po duket e mbyllyr per Kryesinë e PDK, koha ish dashtë me i mesu se eshte per bashkim me specifika të qarta, edhe prurje te reja, por edhe qendrime me te qarta”, shkroi Syla.
Sipas tij, përderisa LDK po e kthen Vjosën, më e lehtë do ta kishte PDK t’a kthente Limajn në krahasim me këtë.
