Gazetari Valon Syla, i ftuar në Pressing në T7 ka folur për zgjedhjet që do të mbahen nesër në vend.
Ai ka thënë se VV’ja i ka gjasat minimale që të ketë rezultat më të mirë se sa në zgjedhjet e 9 shkurtit.
‘’Unë jam pozitiv në pritje. Mendoj që njerëzit kanë shumë informata sa i përket politikës. Ajo çka po e shoh te të gjitha partitë, që e kanë një frikë është paparashikueshmëria e numrit të madh të diasporës që kanë ardh këtu. Edhe që njerëzit po i frikson sepse s’janë mat. Ajo që dimë është që vV’ja ka gjasa minimale me pas rezultat më të mirë se me 9 shkurt. Përndryshe ka demoralizim për shkak të festave, shumë zgjedhjeve. I këna majt katër palë zgjedhje edhe çka ka ndryshu. Partia më e pareformuar është VV’ja. Unë jam optimist. Nëser pres me u vesh mirë, me u la me u fshi, me dalë me votu me përjetu pak si gëzim këtë punë, mos të ia lajnë fatin kosovarët njerëzve që rrnojnë jashtë me ua përcaktu, por le të çohen pak ma herët, le të diskutojnë’’, ka thënë ai.
