Që kur ishte përmendur Christopher Hill vitin e kaluar si një prej emrave të mundshëm për ambasador në Serbi, në media dhe në rrethin e njerëzve që e njihnin aktivitetin e tij politik, flitej për një njeri që do ta çonte peshë rajonin dhe që do të shtynte përpara dialogun mes Kosovës dhe Serbisë.
Kjo për shkak të rolit të tij aktiv në rajon gjatë viteve të 90-ta dhe njohurive që ka për Ballkanin Perëndimor, sidomos për raportet Kosovë-Serbi.
Pritje të njëjta ka edhe gazetari dhe Valon Syla, i cili ka thënë se tashmë do të fillojë një agjendë më e shpejtë dhe që shfaq nevojën për të lidhur rripin e sigurisë.
Pas ardhjes së Hill, Syla thotë se nuk e di nëse ka më kohë për ‘kopalla të reja”.
“Erdh Chris Hilli në Beograd. Tash fillon një agjendë më rapide. Lidhni rrypat e sigurisë edhe hapni sytë… nuk e di a ka ma kohë për kopalla të reja”, ka shkruar Syla.
Ai tutje ka thënë se mbetet të shihet nëse kryeministri Kurti do të pritet në Washington, derisa teksa ndan mendimin e tij për këtë çështje, është mjaft skeptik. Parashikon zgjedhje të reja dhe shton se në Bruksel Kosova pa SHBA-në nuk ka çfarë kërkon.
“Tash te kqyrim a po e presin Albin Kurtin në maj në Washington. Ma merr mendja që jo, dhe na pas kësaj veç ka me na fut në zgjedhje, që me shitë kopalla të reja. Në Bruksel pa Amerikan, delegacioni kosovar ska çka lyp”, ka përfunduar Syla.
