Komuna e Fushë Kosovës e udhëhequr nga Valon Prebreza i Lëvizjes Vetëvendosje ka nënshkruar me 26 tetor 2026 kontratën publike kornizë me çmim të pëshuar 262.50 euro dhe me vlerë indikative 250 mijë euro për rrënimin e objekteve pa leje ndërtimore dhe objekteve të tjera në Komunen e Fushë Kosovë, shkruan rajoni.org.
Kontrata mbartë nënshkrimin e zyrtarit Ismet Prebreza dhe Ermal Sylajt.
– Advertisement –
Sipas Kontratës së nënshkruar, të cilën rajoni.org e posedon, kontrata përfshin 19 pozicione të ndryshme. Për secilin pozicion është përcaktuar sasia dhe çmimi për njësi, ndërsa realizimi i punëve varet nga nevojat e Komunës.
Ky lloj kontraktimi mund të jetë teknikisht i ligjshëm, por shpesh krijon dyshime për qartësinë dhe arsyeshmërinë e shpenzimeve publike. Kjo ndodh sepse në kontrata me shumë pozicione, kompania që oferton në tender zakonisht e dijnë se cilat shërbime do të porositën shpesh dhe cilët pothuajse nuk do të porositën.
Pozicionet që dihet se do të porositen rrallë, shpesh ofertohen me çmime simbolike, ndonëse çmimi real në treg është shumë më i lartë. Këto shërbejnë për ta ulur çmimin e përgjithshëm të ofertës dhe për ta bërë atë konkurruese “në letër”. Ndërkohë, shërbimet që porositen vazhdimisht si këtë rast punëtoret fizik ofertohen me çmime dukshëm më të larta.
Sipas paramasës së siguruar, në disa pozicione çmimet e përcaktuara në kontratë ngrenë pikëpyetje për arsyeshmërinë ekonomike dhe mënyrën se si do të kontrollohen shpenzimet gjatë zbatimit të kontratës.
Një prej pozicioneve të dyshimta është angazhimi i punëtorëve fizikë, për të cilin në kontratë është përcaktuar çmimi prej 60 eurosh për orë. Për shërbim të njejtë Komuna e Prishtinës e ka të kontraktuar 30 euro për orë punë. Sipas përshkrimit të pozicionit, këta punëtorë do të angazhohen për për kryerjen e puneve fizike, bartje si: ngarkim/shkarkim i materialeve të ndryshe, bartje, punë me lopatë, sopat, cekan dore, prerese e metaleve (flex) të madhesive të ndryshme, aparat saldimit
Ajo çka e bënë të dyshimtë këtë pozicion është mos saktësimi nëse çmimi prej 60 eurosh për orë përllogaritet për një punëtor të vetëm apo për grup punëtorësh.
Nëse faturmi zbatohet vetëm për një punëtor, angazhimi i tij për tetë orë do të i kushtoj 480 euro , ndërsa angazhimi i pesë punëtorëve për një ditë pune tetëorëshe do të arrinte në 2.400 euro.
Screenshot
Çmime të dyshimta edhe në disa pozicione tjera
Lista e pozicioneve përfshin edhe shërbime të tjera që parashihen të përdoren gjatë rrënimit të objekteve.
Për shembull, bartja e materialeve të ndryshme, si dheu dhe mbetjet ndërtimore, brenda dhe jashtë territorit të Komunës së Fushë-Kosovës, në distancë deri në 20 kilometra, është paraparë me çmim prej 20 eurosh për metër kub. Ndërkaq, çmimi i përafërt i këtij shërbimi në treg është rreth 10 euro për metër kub.
Po ashtu, në dy pozicione të veçanta, angazhimi i ekskavatorëve të pajisur me mjete për rrënimin e objekteve është paraparë me çmim prej 150 eurosh për orë. Në anën tjetër, në kontratën e fundit të Komunës së Prishtinës, shërbimet e njëjta janë kontraktuar me çmime dukshëm më të ulëta, përkatësisht 20, 35 dhe 75 euro për orë.
