Ende pa u bërë 24 orë nga reagimi i fundit, grupi i tifozëve mitrovicas “Torcida” ka dalë me postim të ri, duke lënë të nënkuptohet se nuk tërhiqen nga deklarimet në komunikatën e mbrëmshme.
“Ska kthim mbrapa #T1984”, shkruan “Torcida” në postimin e sontëm krahas një fotgrafie të publikuar, që lënë të kuptohet se janë unik në qendrimet e tyre, raporton Veriu.info.
Kjo foto është shpërndarë nga shumë persona, të cilët kanë shkruan në shpërndarje dhe komente mesazhin: “Po thojn qe jena perqa , a na mat fort o VLLA”.
Kujtojmë se “Torcida” mbrëmë përmes një komunikate të gjatë ka treguar arsye e reagimit të tyre ndaj basketbollistit Drilon Hajrizi në ndeshjen e fundit të luajtur në minatori, për të cilin thonë se i provokoj duke i kapur organet gjenitale dhe shau në drejtim të grupimit të tifozëve.
“Nuk është sekret që nga fillimi kemi qenë kundër kthimit të basketbollistit me numër 12 në skuadrën tonë, për arsye tashmë të njohura. Për të mirën e Trepçës, kishim një lloj pajtimi që ai të luante për klubin e qytetit. Por jo të gjithë individët, jo të gjithë anëtarët tanë, janë pajtuar me paraqitjen e tij me ngjyrat e skuadrës. Dhe sharjet e individëve të caktuar ndaj tij nuk kanë ndodhur për herë të parë. Sharje të individëve të caktuar, jo të orkestruara dhe jo në grup, kishte edhe në ndeshjen e fundjavës ndaj Vëllaznimit. Më pas erdhi veprimi i papranueshëm nga lojtari në fjalë. I kthyer me fytyrë nga “Torcida” ai kapi organet gjenitale dhe shau në drejtim të grupimit të tifozëve. Kjo revoltoi anëtarët tanë dhe sharjet u intensifikuan”, thuhet në komunikatën e mbrëmshme nga “Torcida”.
Në fund të komunikatës së mbrëmshme “Torcida” kishte dhënë mesazh kogja të fortë, duke shkruar:
Ne do të jemi në tribunë, sepse:
Trepça është e Mitrovicës
Torcida është e Mitrovicës
Trepça frymon me Mitrovicën dhe Torcidën
Torcida ekziston për Trepçën
Dhe, po, Trepça nuk është Trepçë pa Torcidën
Për fund, mos harroni
Vetëm Trepça është e paprekshme, individët shkojnë e vijnë
TREPÇA është simbol
Torcida është gardiani i saj
