Presidenti Donald Trump pranoi sot se nuk mund të kandidojë për një mandat të tretë, pasi më parë nuk e kishte përjashtuar mundësinë.
“Kam rezultatet më të larta në sondazhe që kam pasur ndonjëherë dhe, e dini, bazuar në atë që lexova, mendoj se nuk më lejohet të kandidoj. Pra, do të shohim se çfarë do të ndodhë”, u tha Trumpi gazetarëve në bordin e Air Force One, gjatë rrugës për në Gyeongju të Koresë së Jugut.
“Do të thoja që nëse e lexoni, është mjaft e qartë. Nuk më lejohet të kandidoj. Është për të ardhur keq, por kemi shumë njerëz të mrekullueshëm”, shtoi ai.
Kryetari i Dhomës së Përfaqësuesve, Mike Johnson, tha të martën se nuk e “sheh rrugën” që Trumpi të kërkojë një mandat të tretë, shkruan abcnews.
“Ka qenë një garë e shkëlqyer, por mendoj se presidenti e di, dhe unë dhe ai kemi folur për kufizimet e Kushtetutës, pavarësisht se shumë amerikanë e vajtojnë këtë”, tha Johnson, gjatë një konference për shtyp në Capitol Hill.
Trumpi i anashkaloi pyetjet në lidhje me komentet e Johnson-it, duke u mbështetur në shifrat e tij të forta në sondazhe.
