Një granatë dore është hedhur në pronën e Dragan Mllajoviqit – distributori i produkteve të qumështit Vita dhe produketeve të mishit të kompanisë Buquku nga Peja në veri, mbrëmë në fshatin Zherovnicë, ka konfirmuar Mllajoviq për KoSSev, transmeton Gazeta Online Veriu.info.
Ai është i bindur se qëllimi i sulmit ishte frikësimi i tij për shkak të përfshirjes së tij në këto kompani.
“Unë e drejtoj biznesin tim me ndershmëri, por padyshim që e bezdis biznesin e dikujt”, theksoi ai.
Në një prononcim për KoSSev, Mladjoviq ka përshkruar skenën në të cilën ka hasur mëngjesin e sotëm.
“Isha në shtëpi kur, rreth orës 2:34 të mëngjesit, dëgjova një shpërthim, por nuk e dija se çfarë ishte. Vetëm sot në mëngjes, kur u ngrita rreth orës 6, pashë xhamat e thyer në furgon, si dhe disa xhama të thyer në shtëpi. Atëherë kuptova se diçka ishte hedhur atje”, dëshmon Mladjoviq.
Sipas tij, që nga fillimi nuk kishte dyshim se pse ishte shënjestruar prona e tij. Ai pretendon se merret me politikë. Sipas fjalëve të tij, arsyeja e sulmit ishte pikërisht puna e tij për furnizim me produkte të qumështit dhe produkteve të mishit për veriun – si një lloj paralajmërimi, transmeton Veriu.info.
“Kompania ime filloi bashkëpunimin me kompaninë “Buquku” nga Peja, e cila merret me prodhime të mishit. Fillova të furnizoja restorante. Punoj edhe me produkte qumështit Vita. Dhe kjo është e gjitha. Nuk kam lidhje me politikën. Është e qartë se unë i bezdis biznesin e dikujt dhe se ata duan të më trembin. Unë e drejtoj biznesin tim me ndershmëri, por duket se nuk mund të bëhet këtu.”
Ai ka konfirmuar se policia ka dalë menjëherë në vendngjarje mëngjesin e sotëm dhe ka zbuluar se para shtëpisë së tij ishte hedhur një granatë dore.
Madje, ai ka shprehur shpresën se autorët do të gjenden, pasi policia i ka thënë se ka pista që mund të zbulojnë se kush e ka hedhur bombën e dorës.
Ai përveç policisë së Kosovës ka bërë kallëzim edhe në policinë e Serbisë.
Jo hera e parë
Mladjoviq kujtoi gjithashtu rastin nga dhjetori i vitit të kaluar, kur ai ishte në shënjestër të një grupi në Telegram.
Mlladjoviq as atëherë nuk dyshonte se arsyeja pse u cilësua si tradhtar ishte bashkëpunimi i tij me kompaninë kosovare.
Në atë kohë ai kishte bërë ankesë edhe në policinë e Kosovës dhe në policinë e Serbisë, duke zbuluar sot se PK-ja duhet të ndjekë së shpejti përgjegjësit.
“Edhe me rastin e mëparshëm, policia e Kosovës ka të dhëna se kë duhet të arrestojë,” tha ai.
