Ikona e filmit aksion, Jean-Claude Van Damme, ka dhënë një intervistë ekskluzive për emisionin Kojshia Show.
Ai në këtë emision pohoi se ndihet shumë i lumtur me vizitën e tij në Kosovë.
“Kur erdha në këtë vend, ndjeva shumë ndershmëri. Njerëz shumë të drejtë, shumë të ëmbël, mikpritës”, thotë Jean-Claude Van Damme.
Ai tha se është në dijeni se këtu ka shumë fansa.
“Faleminderit për gjithë ato vite që keni qenë pas meje, më keni mbështetur dhe për shkak të tyre mund të stërvitem edhe sot. Jam i lumtur që jam këtu, ju dua djema”, tha Van Damme, transmeton Korrespodenti.
“Të dua Kosovë”, tha në gjuhën shqipe ylli i filmave aksion.
Ai tha se dëshiron që ta ndihmojë Kosovën që të njihet në botë, sidomos për pjesën e turizmit, por edhe si shtet.
Kujtojmë se vizita e yllit të filmave aksion Jean-Claude Van Damme në Kosovë zgjoi një interesim të jashtëzakonshëm të qytetarëve dhe jo vetëm.
Fytyra të njohura publike janë takuar sot me të duke shpërndarë fotografi në rrjetet sociale.
Një e tillë u bë virale mes kryetarit të AAK-së, Ramush Haradinaj i cili shihet duke e përshëndetur ngrohtësisht artistin.
Haradinaj, tregoi se është ndjenjë e mirë që e ka takuar aktorin e njohur Van Damme. Jean-Claude Van Damme në shqip “Të dua Kosovë”, flet për Adem Jasharin dhe Skënderbeun – Ja çfarë thotë
Me yllin e Hollivudit u takuan edhe shumë personalitete të tjera të botës së artit, por nuk munguan edhe nga jeta politike. /Korrespodenti
