Të mërkurën e 15 prillit, 48 vjeçari, Isuf Bislimi humbi jetën në vendin e tij të punës në Shtime.
Bislimi kishte qenë punëtor i kompanisë Doni Fruits.
Kjo kompani e cila është në pronësinë e deputetit të Lëvizjes Vetëvendosje, Ejup Ahmetit, ishte inspektuar dhe gjobitur dy herë, në vitin 2024 dhe 2025.
Kështu ka konfirmuar për Insajderin Inspektorati Qendror i Punës për Insajderin.
Lidhur me vdekjen e Isuf Bislimit nga IQP bëjnë të ditur se rasti vazhdon të jetë në procedurë.
“Lidhur me aksidentin e ndodhur në subjektin “Doni Fruits SHPK”, ju informojm se rasti në fjalë vazhdon të jetë ende në procedurë, ndërsa subjekti është inspektuar edhe më herët nga Inspektorati Qendror i Punës (IQP), përkatësisht në vitin 2024 dhe 2025, me vendime për gjoba sipas legjislacionit në fuqi”, thanë nga IQP për Insajderin.
